समस्त दिगंबर जैन भाविकांना कळविण्यात अत्यंत आनंद होतो की, दि. २५ मार्च २०१७ रोजी प. पू. आचार्य श्री. १०८ दयासागरजी महाराज यांचा तळेगाव नगरीत मंगल प्रवेश झाला आहे. मुनिजींचे सर्व जमा झालेल्या भाविकांनी जाल्लोष्यात स्वागत केले.

          मुनिजींचा विहार महावीर जयंती निमित्त मुंबई कडे होणार आहे. त्या दृष्टीने, आपल्या मंडळातील काही सदस्यांनी मुनींना आगोदरच जाताना तळेगाव मध्ये येण्याचे आमंत्रित केले होते. आपले आमंत्रण स्वीकारून मुनि काल दि. २५ मार्च रोजी तळेगावात आले. त्यांच्या नियोजनाप्रमाणे मुनिजींचा तळेगावात दि. २५ मार्च रोजी मुक्काम असेल व दि. २६ मार्च रोजी सकाळी लवकर दिगंबर जैन समाजाला उद्देशून प्रवचन देतील व नंतर त्याचा विहार सुरु होईल.


          मुनिजींना आमंत्रित करण्याचा मुख्य उद्देश हा होता की त्यांच्या उद्देशाने आपल्याला व तळेगावातील इतर दिगंबर जैन समाजाला तळेगाव नगरीत दिगंबर जैन मंदिर उभं करण्याची प्रेरणा मिळेल.

          महाराजांनी त्यांच्या प्रवचनात णमोकार मंत्राचे व नगरात जिनमंदिर असण्याचे महात्म्य सांगून खूप महत्वाचे मुद्दे मांडले ते खालीलप्रमाणे.

१. आगोदर मंदिरासाठी जागा मिळविणे
          महाराजांनी सांगितले की, जागा मिळविण्यासाठी आपण स्वताः अगोदर प्रयत्न करणे गरजेचे आहे. तुमचे स्वतःचे जागेच्या रूपात अस्तित्व असल्याशिवाय तुम्हाला बाहेरचे कोणीही देणगी देताना विचार करेल. तर त्या दृष्टीने आपले प्रयत्न असले पाहिजेत.

२. शिलान्यास करून मूर्ती स्थापन करणे
          महाराज पुढे म्हणाले की, एकदा का जागा मिळाली की पुढे मंदिर निर्माण करण्यासाठीचा निधी गोळा करणे सोपे जाईल. आपल्या समाजात अशे खूप दातार आहेत ज्यांच्या मदतीने तुमचे कार्य सोपे होईल. तुमच्याकडे मंदिरासाठी जागा उपलब्ध असल्यावर अशा दातारांची मंदिर निर्माणासाठी देणगी देण्याची भावना आपोआप तयार होईल.
           शिखरबंद मंदिर निर्माण करण्यासाठी बराच काळ लागेल, त्यापेक्षा, अगोदर जागेवर भव्य मूर्ती स्थापन करून, मग हळू हळू मुनी निवास, मंदिर, शिखर, फरशी, धर्मशाळा अशा गोष्टी आपोआप घडतील.

३. जीनालायाचे महात्म्य
          महाराजांनी जिनालाय असण्याचे महत्व पटवून देताना साप व चंदनाच्या झाडाचे उदाहरण दिले. ज्या प्रमाणे मोराच्या आवाजाने चंदनाच्या झाडाला गुंडाळून बसलेला साप आपोआप त्याच्या  बिळात निघून जातो; त्या प्रमाणे ओम जय जय जय निस्सहि निस्सहि निस्सहि करत मंदिर प्रवेश केल्यामुळे सर्व पाप दूर होऊन पुण्याचा उदय होतो.
          आपण घरी देवाची पूजा करताना आपल्याकडून ती व्यवस्था, शुद्धता आणि पावित्र्य पळाले जात नाही जे मंदिरात पळाले जाते. त्यामुळे नगरात जिन मंदिर असणे आवश्यक आहे.

४. प्रेरणा
          महाराजांनी सर्व जैन भक्तांना प्रेरणा देत सांगितले की, जर तुमची खरोखरच भावना असेल तर तुम्ही तुमच्या शक्ती, सामर्थ्य आणि पुण्या च्या जोरावर शिलाण्यास करून २ महिन्यात मंदिर उभे कराल.

५. सहयोग
          महाराज म्हणाले की, ह्या पुण्य कार्यास तुमचा सर्वांच सहयोग असणे आवश्यक आहे.
          ज्या प्रमाणे विहिरीतून पाणी काढल्यावर, काही वेळाने आपोआप पाणी परत येते, त्या प्रमाणे, तुम्ही दान केलेली राशी दुप्पटीने तुम्हाला परत मिळेल. म्हणून लेकीन, किंतु, परंतु मध्ये आपले भाव बांधू नका व महाराज हे आपले प्रेरणा श्रोत आहेत असे समजून सर्वांनी पुढे येऊन सढळ हाताने दान करा.

          महाराजांच्या प्रेरणेतून मंदिरासाठी जागा मिळविण्याच्या उद्देशाने काही दातारांनी स्वइच्छेने महाराजांसमोर आपापले दान घोषित केले व काही जनांनी दान म्हणून त्यांच्याकडून रोख रक्कम मंडळाच्या अध्यक्षांकडे सुपूर्द केली.

दातारांची नावे खालीलप्रमाणे.

          समस्त दिगंबर जैन भाविकांना कळविण्यात अत्यंत आनंद होतो की गतवर्षी प्रमाणे या ही वर्षी आपल्या तळेगाव नगरीत श्री १००८ भगवान महावीर जन्मोत्सव साजरा करण्याचे कार्यकारिणीने ठरविले आहे.

          श्री भगवान महावीर जयंती चैत्र शुक्ल त्रयोदशी दि. ९ एप्रिल २०१७ रोजी संपन्न होत आहे. तरी सर्व जैन श्रावक - श्राविकांना (तळेगाव, वडगाव, चाकण, मळवली व परिसर) विनम्र निमंत्रण.

          कार्यक्रमास आपण सहकुटुंब, सहपरिवार सहभागी होऊन पुण्यलाभ घ्यावा.

जय जिनेंद्र !!!

।। श्री १००८ भगवान महावीर दिगंबर जैन मंडळ, तळेगांव दाभाडे, पुणे ।।

समस्त दिगंबर जैन बंधू भगिनींना पुण्य दानाचे आवाहन.

पुणे ते लोणावळा या जवळ-जवळ ६० किलोमीटर अंतरामध्ये तळेगांव दाभाडे या मध्यवर्ती मुनी, त्यागी यांचेसाठी विश्राम स्थान / मुनी निवास उभे करण्याचा मानस आहे. त्यासाठी आर्थिक मदतीची आवश्यकता आहे. हा मानस पूर्ण करणे हेतू समस्त जैन बांधवांनी सढळ हाताने मदत करावी. फुल ना फुलाची पाकळी आपली मदत हि आमच्या प्रत्येक कार्यकर्त्याचे मनोबल, आत्मविश्वास वृद्धिंगत करून कार्य सिद्दी प्राप्त करण्यास गती देणार आहे. तरी सर्व दातारांचे शतशः आभार व धन्यवाद.

समस्त तळेगांव निवासी यांनी धार्मिक कार्याचा पाय १९८० साली श्रीमती चिवटे बाई यांच्या मार्गदर्शनाने घालण्यात आला. तेंव्हा पासून गेली अनेक वर्षे छोटे-मोठे धार्मिक कार्यक्रम राबवत आहोत. सध्या त्या पेरलेल्या रोपाची वाढ होत आहे. आज ५ ची ५० घरे व एकूण १५० जैन बांधवांचे वास्तव्य या तळेगांव दाभाडे या नगरीत आहे. सर्वांनी एकत्र येऊन या संस्थेच्या नोंदणीचे काम हाती घेतले आहे व पुढील २ ते ३ महिने त्यास मान्यता मिळेल.

प्रामुख्याने आणखी एक गोष्ट आम्हा सर्वांचे ध्यान आकर्षित करणारा प्रसंग म्हणजे विहारात त्यागींची होणारी गैरसोय. पुणे ते लोणावळा या सुमारे ६० किलोमीटर अंतरामध्ये मुनी विहारात एक मुक्काम अटळ आहे. पण आम्ही या प्रसंगास तोंड देण्यास असमर्थ आहोत कारण या ठिकाणी दिगंबर जैन मंदिर वा मुनी निवास याचा आभाव आहे.

या आभावावर मात करणेचे दृष्टिकोनातून आम्ही तळेगांव करांनी हे काम हाती घेण्याचे ठरविले. या कार्यात आपलाही हातभार लागावा व पुण्य संपादन करावे हि विनंती. आम्ही समस्त तळेगांव निवासी श्री १००८ भगवान महावीर दिगंबर जैन मंडळ यांचेकडून आपले शतशः धन्यवाद.